လုပ်ငန်းစဉ်များ

အထက်ပါရည်ရွယ်ချက်များ ထမြောက်အောင်မြင်စေရန်“အဖွဲ့အဆင့်ဆင့်က အောက်ပါ “လုပ်ငန်းစဉ်”များကို ဆောင်ရွက်ကြရမည်-

R အဖွဲ့၏ ရည်ရွယ်ချက်နှင့် လုပ်ငန်းစဉ်များကို နိုင်ငံတော်အတွင်း ကျယ်ကျယ်ပြန့်ပြန့် သိရှိအောင် လက်တွေ့ကျသော စည်းရုံးရေး နည်းလမ်းများဖြင့် ဆောင်ရွက်ခြင်း။

R ဘာသာအသီးသီး အပြန်အလှန် ချစ်ကြည်ရင်းနှီးမှု၊ လေးစားမှု၊ နားလည်မှုနှင့် ထောက်ထားစာနာမှုများ ရရှိစေရန် ဆောင်ရွက်ခြင်း။

R ပြည်ထောင်စုမြန်မာနိုင်ငံတစ်ဝှမ်းလုံးတွင်အထက်ပါရည်ရွယ်ချက်များနှင့် လုပ်ငန်းစဉ်များ အောင်မြင်စွာဆောင် ရွက်နိုင်ရေးအတွက် ဗဟို/ဌာနချုပ်၊ တိုင်းဒေသကြီး/ပြည်နယ်၊ ခရိုင်၊ မြို့နယ်နှင့် ရပ်ကွက်/ကျေးရွာ“ဘာသာပေါင်းစုံ အဖွဲ့အဆင့်ဆင့်”ကို စနစ်တကျ ဖွဲ့စည်းဆောင်ရွက်ခြင်း။

R ဘာသာပေါင်းစုံ ချစ်ကြည်ညီညွတ်ရေးကို အခြေခံသောကို စာတမ်း ဖတ်ပွဲများ၊ ဟောပြောပွဲများ၊ Seminar များ ကျင်းပခြင်း၊ သင်တန်းများ ဖွင့်လှစ်ပို့ချခြင်း၊ စာအုပ်၊ စာတမ်း၊ စာစောင်များ၊ ဂျာနယ်များ ထုတ်ဝေခြင်း၊ ဖြန့်ချိခြင်း။

R ဘာသာရပ်အသီးသီးနှင့်သက်ဆိုင်သောသာသနိကအဆောက်အအုံများ သန့်ရှင်းသာယာရေး၊ ပြင်ဆင်မွမ်းမံရေး၊ ရေရှည်တည်တံ့ရေး စသည့်ကိစ္စရပ်များအတွက် ကြိုးပမ်းဆောင်ရွက်ခြင်း။

Rအဖွဲ့အဆင့်ဆင့်တွင် ဘာသာပေါင်းစုံနှင့် ပတ်သက်သည့် စာအုပ်၊ စာတမ်း စသည့် စာပေပစ္စည်းများ ပြည့်ပြည့်စုံစုံဖြင့် ခေတ်မီ စာကြည့်တိုက်များ တည်ထောင်ရေး၊ ဘာသာပေါင်းစုံ လူအိုရုံများ၊ ဘာသာပေါင်းစုံ မိဘမဲ့ကလေးဂေဟာများ၊ ဘာသာပေါင်းစုံ စာသင်ကျောင်းများ ဖွင့်လှစ်နိုင်ရေးအတွက် ကြိုးပမ်းဆောင်ရွက်ခြင်း။