ပြည်ထောင်စုသမ္မတမြန်မာနိုင်ငံတော်၊ ဘာသာပေါင်းစုံချစ်ကြည်ညီညွတ်ရေးအဖွဲ့ (ရန်ကုန်တိုင်းဒေသကြီး)အလုပ်အမှုဆောင်များ ခန့်အပ်လွှာပေးအပ်ပွဲအခမ်းအနား

ပြည်ထောင်စုသမ္မတမြန်မာနိုင်ငံတော်၊ ဘာသာပေါင်းစုံချစ်ကြည်ညီညွတ်ရေးအဖွဲ့(ရန်ကုန်တိုင်းဒေသကြီး)အလုပ်အမှုဆောင်များ ခန့်အပ်လွှာပေးအပ်ပွဲအခမ်းအနားကို ၂၀၂၄ခုနှစ်၊ နိုဝင်ဘာလ(၉)ရက်(စနေနေ့)နံနက်(၁၀း၀၀)နာရီအချိန်တွင် ဘာသာပေါင်းစုံချစ်ကြည်ညီညွတ်ရေးအဖွဲ့(ဗဟို)ရုံးတွင် ကျင်းပပြုလုပ်ပါသည်။
အခမ်းအနားသို့ ဗဟိုဥက္ကဌ ဦးဝဏ္ဏ၊ ဗဟိုဒုတိယဥက္ကဌ ဦးဇော်ဇော်နိုင်(ဟိန္ဒူဘာသာ)၊ ဗဟိုအထွေထွေအတွင်းရေးမှူး ဦးဇွဲရန်နိုင်၊ ရန်ကုန်တိုင်း ဒေသကြီး ဥက္ကဌဦးထွန်းထွန်းဦး၊ ဗဟိုအမျိုးသမီးရေးရာလုပ်ငန်းအဖွဲ့ဥက္ကဌ ဒေါ်ခင်မြသွေး၊ တိုင်းဒုတိယဥက္ကဌများဖြစ်ကြသည့် ဒေါက်တာမိုးဇက်အောင်(ခရစ်ယာန်ဘာသာ)၊ ဦးခင်မောင်ဇော်(အစ္စလာမ်ဘာသာ)၊တိုင်းအတွင်းရေးမှူးများဖြစ်ကြသည့် ဦးခင်ဝင်း(ဗုဒ္ဓဘာသာ)၊ဦးဇော်ဝင်းမောင်(ဟိန္ဒူဘာသာ)၊ ဦးဖရန်စစ်(ခရစ်ယာန်ဘာသာ)၊ ဦးရွှေမောင်(အစ္စလာမ်ဘာသာ)၊ တွဲဖက်အတွင်းရေးမှူးများဖြစ်ကြသည့် ဦးဘာဘူလေး(ဟိန္ဒူဘာသာ)၊ ဦးမိုးဇက်(ခရစ်ယာန်ဘာသာ)၊ ဦးမျိုးဇော်(ခရစ်ယာန်ဘာသာ)၊ ဦးဘိုနီဝင်း(အစ္စလာမ်ဘာသာ)နှင့် တိုင်းအလုပ်အမှုဆောင်များတက်ရောက်ကြသည်။
အခမ်းအနားတွင် ဗဟိုဥက္ကဌ ဦးဝဏ္ဏက အဖွင့်အမှာစကားပြောကြားကာ တိုင်းအလုပ်အမှုဆောင်များအား ခန့်အပ်လွာများပေးအပ်ကြပြီး တိုင်းဥက္ကဌ ဦးထွန်းထွန်းဦးက ကျေးဇူးတင်စကားပြောကြား၍ အခမ်းအနား ကို နေ့လည် (၁၁း၃၀)အချိန်တွင် အောင်မြင်စွာရုတ်သိမ်းခဲ့ကြပါသည်။

အခမ်းအနား ဂုဏ်ပြု နေ့လည်စာအဖြစ် တိုင်းအလုပ်အမှုဆောင် (ခရစ်ယာန်ဘာသာ)များက ထောပတ်ထမင်း၊ ကြက်သားဟင်းနှင့် ရေခဲမုန့်တို့ဖြင့် ဧည့်ခံကျွေးမွေးခဲ့ကြသည်။