ပြည်ထောင်စု သမ္မတမြန်မာ နိုင်ငံ ဘာသာပေါင်းစုံ ချစ်ကြည် ညီညွတ်ရေး အဖွဲ့၊ ဗိုလ်တထောင် မြို့နယ် အလုပ်အမှုဆောင်များ ခန့်အပ်လွှာ ပေးအပ်ပွဲ အခမ်းအနားကျင်းပ

ပြည်ထောင်စု သမ္မတမြန်မာ နိုင်ငံ ဘာသာပေါင်းစုံ ချစ်ကြည် ညီညွတ်ရေး အဖွဲ့၊ ဗိုလ်တထောင် မြို့နယ် အလုပ်အမှုဆောင်များ ခန့်အပ်လွှာ ပေးအပ်ပွဲ အခမ်းအနား ကို ၂၀၂၄ ခုနှစ် ဇွန်လ ၁၇ ရက် ဗုဒ္ဓဟူးနေ့ နံနက် ၁၀ နာရီ အချိန်တွင် ဗဟို ရုံး အစည်းအဝေး ခန်းမ ကျင်းပပြုလုပ်ပါသည်။ အခမ်းအနား သို့ ဗဟို အထွေထွေအတွင်းရေးမှူး ဦးခင်ဝေ၊ ရန်ကုန်တိုင်း ဒေသကြီး ဥက္ကဋ္ဌဦးထွန်းထွန်းဦး၊ ဗဟိုအထောက်အကူပြု အမျိုးသမီးရေးရာလုပ်ငန်း အဖွဲ့ ဥက္ကဌ ဒေါ်ခင်မြသွေး နှင့် ဗဟို အထောက်အကူပြု လူမှုရေးရာ အဖွဲ့ ဥက္ကဋ္ဌ ဦးဇော်မိုးအောင်၊ ရန်ကုန်တိုင်း ဒေသကြီး ဒု ဥက္ကဋ္ဌဦးခင်ဝင်း နှင့် ဦးခင်မောင်ဇော်၊ ရန်ကုန်တိုင်း ဒေသကြီးအတွင်းရေးမှူးများဖြစ်ကြသည့် ဦးခင်ဝေ၊ ဦးဇော်ဝင်းနိုင်၊ ဦးဖရန်စစ် နှင့် ဒေါက်တာဝင်းနိုင်၊ ဗဟိုအလုပ်အမှုဆောင် ဦးသန့်ဇင်လှိုင်၊ ဗိုလ်တထောင်ခရိုင်ဥက္ကဌ ဦးအေးသိန်း၊ ပုဇွန်တောင်မြို့နယ်ဥက္ကဌ ဦးရဲဇင်နှင့် မြို့နယ်အလုပ်အမှုဆောင်များတက်ရောက်ကြပါသည်။ ရန်ကုန်တိုင်းဥက္ကဌ ဦးထွန်းထွန်းဦးက အဖွင့်အမှာစကားပြောကြားပြီးနောက် မြို့နယ်အလုပ်အမှုဆောင်များအား ခန့်အပ်လွှာများပေးအပ်ခဲ့ပြီးနောက် မြို့နယ်ဥက္ကဌ ဦးရဲဇင်က ကျေးဇူးတင်စကားပြောကြားကာ အခမ်းအနားအား အောင် မြင်စွာ ရုပ်သိမ်းခဲ့ပါသည်။