ဘာသာပေါင်းစုံ ချစ်ကြည် ညီညွတ်ရေးအဖွဲ့၊ ရန်ကုန်တိုင်း ဒေသကြီး နှင့် ခရိုင် မြို့နယ်များမှ အလုပ်အမှုဆောင်များ လစဥ် ပုံမှန် လုပ်ငန်း ညှိနှိုင်းအစည်းအဝေး ကို ၂၀၂၄ ခုနှစ် ဒီဇင်ဘာလ ၇ ရက် စနေနေ့ နံနက် ၁၀ နာရီတွင် တိုင်းဒေသကြီးရုံး အစည်းအဝေးခန်းမ ၌ ကျင်းပ

ပြည်ထောင်စု သမ္မတမြန်မာနိုင်ငံတော် ဘာသာပေါင်းစုံ ချစ်ကြည် ညီညွတ်ရေးအဖွဲ့၊ ရန်ကုန်တိုင်း ဒေသကြီး နှင့် ခရိုင် မြို့နယ်များမှ အလုပ်အမှုဆောင်များ လစဥ် ပုံမှန် လုပ်ငန်း ညှိနှိုင်းအစည်းအဝေး ကို ၂၀၂၄ ခုနှစ် ဒီဇင်ဘာလ ၇ ရက် စနေနေ့ နံနက် ၁၀ နာရီတွင် တိုင်းဒေသကြီးရုံး အစည်းအဝေးခန်းမ ၌ ကျင်းပပြုလုပ်ခဲ့ကြ ပါသည်။
အစည်းအဝေးသို့ ရန်ကုန်တိုင်းဒေသကြီး ဥက္ကဋ္ဌ ဦးထွန်းထွန်းဦး၊ ဒုတိယ ဥက္ကဋ္ဌများဖြစ်ကြသည့် ဦးဝင်းမြင့်၊ဦးဝင်းထွန်း၊ အတွင်းရေးမှူးများဖြစ်ကြသည့် ဦးခင်ဝင်း၊ ဦးဇော်ဝင်းမောင်၊ ဦးဖရန်စစ်၊ ဦးရွှေမောင်၊ဦးဘိုနီဝင်း၊ ပြန်ကြားရေးမှူးဦးအောင်သာဒိုး၊ တွဲဖက်ဘဏ္ဍာရေးမှူး ဦးလှဝင်းနှင့် တိုင်းအလုပ်အမှုဆောင်များ၊ အင်းစိန်ခရိုင်၊အလုံခရိုင်၊ မရမ်းကုန်းခရိုင်၊ ကျောက်တံတားခရိုင်၊ သင်္ဃန်းကျွန်းခရိုင်၊ဗိုလ်တထောင်ခရိုင် တို့မှ ခရိုင် ဥက္ကဋ္ဌများ တက်ရောက်ခဲ့ကြပါသည်။
အစည်းအဝေး တွင် ရန်ကုန်တိုင်း ဒေသကြီး ၏ ခရိုင် နှင့် မြို့နယ် များ အားလုံး တွင် ဘာသာပေါင်းစုံ ချစ်ကြည် ညီညွတ်ရေးအဖွဲ့ များ ဖွဲ့စည်းနိုင်ရေး၊ တိုင်း/ခရိုင်/မြို့နယ်များ တွင် ငွေစာရင်း လချုပ်/နှစ်ချုပ်များရေးဆွဲ၍အတည်ပြုတင်ပြနိုင်ရေး၊ID card လုပ်ငန်းစဥ်ကိစ္စ၊အခမ်းအနားများဆောင်ရ့က်ရာတွင် ဖိတ်ကြားမှု ကိစ္စ၊ အဖွဲ့အစည်းအတွင်း လိုက်နာကျင့်သံုးရမည့် အင်္ဂါစဥ် Protocolကိစ္စများကို ဆွေးနွေး ညှိနှိုင်း ခဲ့ကြပါသည်။