ဗဟိုအလုပ်အမှုဆောင်အဖွဲ့အစည်းအဝေးများနှင့် အဖွဲ့၏တာဝန်ဝတ္တရားများ

ဗဟိုအလုပ်အမှုဆောင်အဖွဲ့အစည်းအဝေးများနှင့်အဖွဲ့၏တာဝန်ဝတ္တရားများမှာ အောက်ပါအတိုင်းဖြစ်သည်-

R ဗဟိုအလုပ်အမှုဆောင်အဖွဲ့၊ “ပုံမှန်အစည်းအဝေး” ကို အနည်းဆုံး တစ်လလျှင်တစ်ကြိမ် ကျင်းပရမည်။ အဖွဲ့ဝင်ဦးရေ၏ ၁/၃ တက်ရောက်လျှင် အစည်းအဝေး အထမြောက်သည်။

R နာယကအဖွဲ့၊ ဥက္ကဋ္ဌအဖွဲ့၊ အတွင်းရေးမှူးအဖွဲ့၊ စီမံခန့်ခွဲရေးအဖွဲ့တို့က လိုအပ်သည်ဟု ယူဆလျှင်သော်လည်းကောင်း၊ အထောက်အကူပြု လုပ်ငန်း အဖွဲ့များနှင့် အလုပ်အမှုဆောင် အဖွဲ့ဝင်အများစုက အဆိုပြုတင်ပြလာလျှင် သော်လည်းကောင်း၊ အလုပ်အမှုဆောင်အဖွဲ့ “အရေးပေါ်အစည်းအဝေး” ကို ကျင်းပနိုင်သည်။ ဖိတ်ကြားခံ ဦးရေ၏ ၁/၃ တက်ရောက်လျှင် အစည်းအဝေး အထမြောက်သည်။

R အလုပ်အမှုဆောင်အဖွဲ့သည် တိုင်းဒေသကြီးနှင့် ပြည်နယ်၊ ခရိုင် အလုပ်အမှုဆောင်အဖွဲ့များနှင့်မပြတ်ဆက်သွယ်ဆောင်ရွက်နေရမည် ဖြစ်သကဲ့သို့ “ဗဟိုနှင့် အဖွဲ့အဆင့် ဆင့် တို့ပါဝင်သော လုပ်ငန်းညှိနှိုင်းအစည်းအဝေး”ကို တစ်နှစ်လျှင် အနည်းဆုံးတစ်ကြိမ် ကျင်းပရမည်။ ဖိတ်ကြားခံရသူဦးရေ၏ ၁/၂ တက်ရောက်လျှင် အစည်းအဝေး အထမြောက်သည်။

R နာယကအဖွဲ့၏ လမ်းညွှန်မှုကိုခံယူလျက် နှစ်စဉ်ပုံမှန်“သင်းလုံး ကျွတ်အစည်းအဝေး”၊ (၂) နှစ်တစ်ကြိမ်၊ “အလုပ်အမှုဆောင် အဖွဲ့သစ်ရွေးကောက်သည့် သင်းလုံးကျွတ်အစည်းအဝေး” နှင့် “အရေးပေါ်သင်းလုံးကျွတ် အစည်းအဝေး”များကို အလုပ် အမှုဆောင်အဖွဲ့က တာဝန်ယူဆောင်ရွက်ပေးရမည်။ ဖိတ်ကြားခံရသူ ဦးရေ၏ ၁/၂ တက်ရောက်လျှင် အစည်းအဝေး အထမြောက်သည်။

R အကယ်၍ ဖော်ပြပါအစည်းအဝေးများတွင် သတ်မှတ်ဦးရေ မပြည့် ပါက သဘာပတိက မိမိ၏ဆင်ခြင်တုံတရားဖြင့် အစည်းအဝေးကို ရွှေ့ဆိုင်းရမည်။ ဒုတိယအကြိမ် အစည်းအဝေးတွင် အလားတူ သတ်မှတ် ဦးရေမပြည့်ပါက သင့်တော်သည့်ရက်တွင် တတိယ အကြိမ် အစည်းအဝေး ခေါ်ယူရမည်။ ယင်းအစည်းအဝေးတွင်လည်း သတ်မှတ်ဦးရေမပြည့်မီဖြစ်နေလျှင် သဘာပတိက တက်ရောက်သူ ဦးရေဖြင့်သာ အစည်းအဝေးကို ကျင်းပနိုင်သည်။

R အထောက်အကူပြုလုပ်ငန်းအဖွဲ့များ ဖွဲ့စည်းရေးနှင့် လုပ်ငန်းများ ပုံမှန်လည်ပတ်ဆောင်ရွက်နိုင်ရေးအတွက် ကြီးကြပ်ပေးရမည်။

R ဥက္ကဋ္ဌသည် အစည်းအဝေး၏ သဘာပတိ ဖြစ်သည်။

R အစည်းအဝေးများကို အစည်းအဝေးအစီအစဉ်နှင့်အညီ ကျင်းပခြင်း၊ အစည်းအဝေးမှတ်တမ်းများ ပုံမှန်ထုတ်ပြန်ပေးခြင်း၊ အစည်းအဝေး ဆုံးဖြတ်ချက်များအပေါ် အကောင်အထည်ဖော်နိုင်မှု အခြေအနေ စသည့် လုပ်ငန်းကိစ္စအရပ်ရပ်ကို စနစ်တကျ ဆောင်ရွက်တင်ပြ ရမည်။