ပြည်ထောင်စုသမ္မတမြန်မာနိုင်ငံတော် ဘာသာ ပေါင်းစုံ ချစ်ကြည် ညီညွတ်ရေး အဖွဲ့ (မင်္ဂလာ တောင်ညွန့် မြို့နယ်) ၏ အလုပ်အမှုဆောင် ခန့်အပ်လွှာ ပေးအပ်ပွဲ အခမ်းအနား

ပြည်ထောင်စုသမ္မတမြန်မာနိုင်ငံတော် ဘာသာ ပေါင်းစုံ ချစ်ကြည် ညီညွတ်ရေး အဖွဲ့ (မင်္ဂလာ တောင်ညွန့် မြို့နယ်) ၏ အလုပ်အမှုဆောင် ခန့်အပ်လွှာ ပေးအပ်ပွဲ အခမ်းအနား ကို ၂၀၂၄ ခုနှစ် ဖေဖော်ဝါရီ လ ၁၂ ရက်နေ့ နံနက် ၁၀ နာရီတွင် မင်္ဂလာ တောင်ညွန့် မြို့နယ် အထွေထွေအုပ်ချုပ်ရေးမှူး ရုံးခန်းမ၌ ကျင်းပပြုလုပ်ခဲ့ပါသည်။
အခမ်းအနား သို့ ရန်ကုန်တိုင်း ဥက္ကဌ ဦးထွန်းထွန်းဦး ၊ဗဟို ဘဏ္ဍာရေးမှူး ဦးလှကြူ၊ ရန်ကုန်တိုင်း ဒု ဥက္ကဌ ဦးဝင်းမြင့်( ဗုဒ္ဓဘာသာ)၊ ဒု ဥက္ကဌ ဦးတင်ရွှေ(ဟိန္ဒူဘာသာ) ၊ဒု ဥက္ကဌ ဦးခင်မောင်ဇော် ( အစ္စလာမ် ဘာသာ) ၊ဒု ဥက္ကဌ ဦးမိုးစက်အောင်( ခရစ်ယာန်ဘာသာ) ၊အထွေထွေ အတွင်းရေးမှူး ဦးထွန်းထွန်းဦး ၊ ဗဟို တွဲဘက် ဘဏ္ဍာရေးမှူး ဦးတင်ကိုကို ၊ ဒေါက်တာ ဝင်းနိုင် ရန်ကုန်တိုင်း အတွင်းရေးမှုး (အစ္စလာမ် ဘာသာ) ဗိုလ်တထောင်ခရိုင် မှ ဒု ဥက္ကဌ များ ၊အလုပ် အမှု ဆောင်များ နှင့် ခန့်အပ် ခံရသော မင်္ဂလာ တောင်ညွန့် မြို့နယ် အလုပ်အမှုဆောင် များတက်ရောက်ခဲ့ကြပါသည်။
အခြား ဖိတ်ကြားထား သောအထူးဧည်တော်များ ဖြစ်သော နယ်မြေခံစစ်ဒေသမှူးဒုဗိုလ်မှူးကြီးမင်းထွန်းမင်းလတ်၊မြို့နယ်စီမံအဖွဲ့ဝင်(၁)ဗိုလ်မှူးကျော်ကျော်၊မြို့နယ်စီမံအဖွဲ့အတွင်းရေးမှူးရဲမှူးမျိုးမျိုးထွန်း၊မြို့နယ်သတင်းတပ်ဖွဲ့တာဝန်ခံဦးဇော်ဝင်းကို၊မြို့နယ်စဖရမှတပ်ကြပ်ကြီးသူရိန်စိုး၊မြို့နယ်ပြန်ကြားရေးမှူးဒေါ်မြမြအေး၊ဒုမြို့နယ်အုပ်ချုပ်ရေးမှူးဦးအောင်ပြည့်စုံဝင်းတို့တက်ရောက်ကြပါသည်။
အခမ်းအနား တွင် ရန်ကုန်တိုင်း ဥက္ကဌ ဦးထွန်းထွန်းဦး မှ အဖွင့်အမှာစကား ပြောကြားပြီး တက်ရောက်လာသော ဗဟို နှင့် ရန်ကုန်တိုင်း မှ တာဝန်ရှိသူများ က မင်္ဂလာ တောင်ညွန့် မြို့နယ် အလုပ်အမှုဆောင်ခန့်အပ်လွှာများ ကို တစ်ဦးချင်း ထံသို့ပေးအပ်ခဲ့ကြပါသည်။
ထို့နောက် မင်္ဂလာ တောင်ညွန့် မြို့နယ် ဥက္ကဌ ဦးအောင်မြင့်အေး မှ ကျေးဇူးတင် စကားပြန်လည်ပြောကြား၍ တက် ရောက်လာသူများကို နေ့လည်စာဖြင့်တည်ခင်း ဧည့်ခံကာ အခမ်းအနားကို အောင်မြင်စွာ ရုတ်သိမ်းခဲ့ပါသည်။